Santa Fe, Bantayan Island, Cebu. 
     
       

      Ang Isla sa Bantayan usa na sa pinaka-bantogan nga mga destinasyon para sa mga lokal og langyaw nga mga turista sa kalibutan. Dinugok kini tungod sa maputi kaayo nga balas, tin-aw nga tubig og lapad nga baybayon. Mas taas og lapad ang baybayon niini kun i-kompara sa ubang mga dagat-ligoanan sa tibuok probinsiya sa Sugbu. Sagol-sagol nga klase sa mga tawo ang magdu-awan dinhi tungod kay mas makadaginot sila kumpara sa bantogan na kaayo nga Boracay Beach. Dili man sama sa Boracay nga adunay daghang mga mahalon nga mga resorts, apan ang Bantayan aduna nay mga resorts nga andam mo alagad sa mga turista pinaagi sa paghatag og world-class nga serbisyo. Adunay daghang aktibidadis sa tibuok Sta. Fe Beach. Pweding mag skydiving, para-sailing, banana boat riding, scuba diving, snorkelling, og uban pang mga kalingawan. 

Dili gayud ika-lalis nga usa pa ka paraiso ang maong dapit

            Sa pagduaw namo sa isla sa Bantayan, nilahos gayud dayun kami sa Sta. Fe, arun makita kun unsa ka-nindot ang maong dapit, og wala gayud kami nasayop sa among nahibaw-an. Nagpabilin pa gihapon ang kaanyag sa maong dapit bisan paman nga naagi-an kini sa bagyong Yolanda sa miaging mga tuig. Lapad pa gihapon ang baybayon niini og wala pa gihapon makutaw ang ka tin-aw sa dagat niini. Mahanduraw mo gayud kun unsa ka pino og ka puti sa balas. Daw, sama sa pulbora ang ka-pino sa balas. 

       Dili lalim ang pag-byahe namo sa isla Bantayan tungod kay nahitunong kato nga semana-santa og adunay gi himong kalingawan ang usa ka dakong kompanya. Dungan kanamo ang ubang mga batan-on nga nag-antos pag huwat og masakyang barge o barko patabok sa isla. Daw, susama lamang nga nag-penitinsiya kami atong higayuna. Apan, sa pag-abot namo sa Sta. Fe, nisugat kanamo ang maong dili-kabayra'g sapi nga talan-awon. 

        Wala kami ni check-in sa mga resorts tungod kay nagdala kami og tent. Apan, bisan pa man nga sa tent lang kami mangatulog, aduna pa gihapo'y bayad para niini. 400 pesos ang among nabayran alang sa duha ka adlaw og duha ka gabei namong pagtarok sa tent sa Tent City. Medyo naglisod usab kami sa pagpangihi tungod kay walay kasilyas ang maong dapit nga among nahimutangan. 1,000. pesos lang unta among budget para sa tanang gastuhon tungod kay nagdala naman kami og mga pagkaon, apan ni-abot pa gayud og 1,200. among nagasto tungod kay mo-bayad pa kami arun lamang kami makapanghinaw-naw og tubig nga tab-ang. 

Larawan kuha atol sa pag-sawop sa adlaw sa Sta. Fe, Bantayan

Unsaon sa Pag-adto?

Gikan sa Cebu City:

                              

                                 North Bus Terminal - Hagnaya Port (sakay og bus or for-hire vans gikan sa North Bus Terminal. Ang pleti sa non-aircon bus is 105, aircon-bus is 120 pesos or depende sa season. Ang pleti sa vans kay 200 pesos /head, dili man sad samok. Pero arun makatipid ka, non-aircon bus maoy sakyi).

                                         

                                      Hagnaya Port - Sta. Fe Port (lukat og ticket para sa barge or barko nga inyong sakyan patabok sa isla Bantayan, ang ticket nagkantidad og 175 pesos. Maka-pili mo kun unsa nga shipping line inyong sakyan pero mas maayo nga Island Shipping inyong pilion. Anaay Super Shuttle Ferry nga nag-byahian usab. Igkanaog sa barko, lakaw ka padulong sa gate sa port, sakay og sikad-sikad or motorized tri-cycle. Ang minimum pletihan sa tri-cycle is 10 pesos. Kun mangayo pag dungag, depende na nimo kun mo hatag ka. Ayaw kalimte sa paglain sinsilyo arun i-bayad sa terminal fees. 

• Kun mag tent ka sa Tent City, tugona daan ang driver arun ilahos ka sa sulod. 
•  Kun di ka gusto'ng maka-bayad sa luna nga inyong tarukan sa tent, adto gihapon mo hunong sa Tent City, nya lahos nalang mog lakaw sa unahan, agi sa baybayon. Daghan nag bakanteng luna arun matarukan ninyo sa inyong tent.

Ang Pagkaon?

--- Dili ka magproblema sa pagkaon kay daghang mga naninda og pagkaon along the beach og pwedi sad kamong mo deretso sa ilang merkado. Kun gusto mo'ng mas maka daginot, pwedi mo'ng magdala og mga de-lata o mga paborito ninyong pagkaon arun inyong lutoon, pero siguroha nga aduna kamoy portable stove og cooking pans. 

Ogtong Cave, Sta. Fe, Bantayan Island

Bantayan Island Tihik Nga LaaganSherwin Alcover Bantayan Loloys Greyt Adbentyurs

Lambug Beach, Badian, Cebu

Tihik Nga Laagan

Lambug Beach Badian Sherwin Alcover Adventure Sherwin Alcover Loloys Greyt Adbentyurs

           Daghan kaayong mga tawo, hilabi na ang mga Cebuano ang wala pa nakatunob sa maanindot nga dagat sa Badian, ang Lambug Beach. Wala pa kaayo natandog ang kaanyag sa maong dapit tungod kay dili pa kaayo daghan ang tig-duwaan diring dapita ikumpara sa ubang sikat nga mga laaganan. 

           

          Hamugaway og presko gayud ang hangin og dili mo mabati ang kasamok nga matagamtam mo sa ciudad. Limpyo ang baybayon, tin-aw nga dagat og maabi-abihon nga mga lokal ang mo sugat kanimo sa Lambug Beach. Barato usab ang mga palaliton og adunay maayong mga kwarto'ng-akomodasyon ang imong mapilian sa saktong presyo. Daw, diyutay nga Boracay ang Lambug Beach sa maputing balas niini. Dili man susama ka daghang mga hotel-resort ang Lambug, apan aduna kini mga gagmay'ng balay nga pweding temporaryong mapuy-an nga barato og pwedi ra nga mahangyo. 

Unsaon sa Pag-adto?


Gikan sa Cebu City:

                                  Cebu City - Badian (sakay og Bus sa South Bus Terminal padulong sa Badian, sultihi daan ang driver nga i-hunong kamo sa eskina para Lambug. 105 pesos lamang ang pletihan sa aircon-bus. Arun ka maka-daginot, sakay og non-aircon nga Ceres Bus o Sunrays Bus. 

                           Eskina Lambug - Lambug Beach (sakay og motorized tri-cycle, minimum nga pletihan = 20 pesos kada-tawo. Kun mangayo pa og mas dako nga pletihan, ayaw og sugot.) Pero dili sama sa ubang mga lokal ang taga Badian, Mahadlukon pa sila sa pagbuhat og pagpangilad.

               Ig-abot sa Lambug Beach, pwedi na kamong mo-pili kun asa dapit kamo gusto'ng mopahiluna. Pwedi kamong mag-dala og kaugalingon tent og adunay mga luna nga libre lang butangan og tent. Aduna usab mga loka nga mopa-abang og tent sa kantidad nga 400, 500, 600, 700 pesos, depende sa kadak-on.

Pwedi kamong manginhas sa hunasan. Adunay daghang klaseng kinsahon ang anaa sa hunasan asa Lambug. So, makalibre namo'g sud-an. Maayo nalang.

Sama sa Basdaku, Moalboal, makapang-hupaw sad ikaw sa kaanindot nga tan-awon sa pagsawop sa adlaw sa Lambug Beach. 

Credits to Jocel Quiachon, Vecil Bejer, and Nicole Soquibe

Sunda sa Facebook si Loloys Greyt Adbentyurs

Agusan River

                                                                                                                                                                 
Sherwin Alcover

Tihik Nga LaaganLoloys Greyt AdbentyursAgusan RiverAgusanButuan City

Isip usa ka tihik nga laagan, lisod gayud ang pag-lakaw sa layo nga dapit. Hilabi na kun wala kapa sukad nakatunob sa maong dapit. Apan tungod kay laagan man lagi, makapangita gayud og paagi arun lamang maabot sa imong gipangandoy nga lugar. 
          Haw-ang sa paminaw og dili gayud mahiluna ang imong kaugalingon kun dili ka kalakaw. Gikan ako sa probinsiya sa Agusan del Norte, diin nahisakop usab ang Agusan River. Ang Agusan River usa, sa pinaka-lapad og pinaka-taas nga suba sa Pilipinas. Dili lang basta-basta nga suba ang Agusan River tungod kay dako kinig nahatag nga parte sa kasaysayan sa mga Agusanon. Sa kaaran og kasamtanga'ng panahon, nahimong parte sa kinabuhi sa mga tawo ang maong suba. Adunay dakong gamit ang suba sa pang-negosyo sa uban og gihimong dali nga agianan para sa mga magba-byahe. Sa kinabuk-an, dili ordinaryo ang Agusan River tungod kay kini puno sa kinabuhi. Daghang maanindot nga talan-awon og mga mga tawong imong ikadungan pagsakay sa bangka arun mu-tabok sa pikas pulu. Siguroha nga dala nimo pirme imong kamera nga puno ang baterya.

Unsaon sa pag-adto?


Gikan sa Cebu City:

Pinaagi sa Eroplano - 
                              
                                Cebu City (MCIA) - Butuan City                                                                                 (Bancasi Airport)
                               Bancasi Airport - Old Butuan City Port

                                   Gikan sa airport, mu-sakay ka og pampasaherong multicab padulong sa Karaang Pantalan (minimum fare = 9 pesos)

                                    Sa pantalan, mu-sakay ka sa dagkong pumpboat, pwedi usab nga mo-hire ka og gamay nga pumpboat o baruto arun pribado kang masuroy sa suba. Pero arun makatipid ka, pangutana sa operator sa dagkong pumpboat kun naa ba silay kaila nga pweding mo tour nimo. Kinadak-ang bayad ana, 600 pesos. Kun mangayo og mas dako pa, ayaw og lahos. 

Pinaagi sa Barko - 

                                Cebu City - Nasipit (Butuan Bay)

                                  

                            Nasipit Port - Butuan City (Sakay og Bus, minimum nga pletihan = 35 pesos, ayaw sakay sa gagmay kay dugay mo abot, hasol pa kaayo unya mao rag pletihan).

                                  Butuan City Bus Terminal - Old Butuan City Port ( Sakay og motorized tri-cycle, minimum nga pletihan = 8 pesos ayaw pailad sa driver).